Një incident i dhunshëm zemërimi ka ndodhur jashtë një kioske në zonën e Katerinit, ku një burrë ka shtyrë me forcë një të mitur dhe e ka hedhur pas rafteve, ndërsa më pas i ka bërtitur duke bërë lëvizje nervore me duar.
Ngjarja ka ndodhur mesditën e së dielës (30/7), pak metra larg stacionit të autobusit të qytetit dhe para syve të habitur të kalimtarëve. Në videon e regjistruar nga kamerat e sigurisë së kompanisë dhe të publikuar nga protothema.gr, shihet momenti kur grupi prej pesë të miturve mbërrin jashtë kioskës dhe njëri prej tyre qëndron pranë burrit duke pritur – me gjasë – radhën për t’i shërbyer.
Pak sekonda më vonë i riu e shtyn me dhunë të miturin dhe e hedh në raftin e produkteve të kioskës, ndërsa i riu sapo bie përtokë i qëndron thuajse sipër dhe i bërtet i tërbuar.
Shikoni videon:
Κατερίνη: Άνδρας σπρώχνει με δύναμη ανήλικο και τον «πετάει» σε ράφια περιπτέρου – Δείτε βίντεο pic.twitter.com/Pb6h4klJ45
— kakajason (@kakajason50) August 1, 2023
Njerëzit që ndodheshin aty pranë dhe shoqëria e të riut nxituan ta ngrinin nga toka, ndërsa personi që e sulmoi hipi në autobus dhe u largua nga vendi i ngjarjes.
Sipas dëshmitarëve okularë të ngjarjes, ky burrë njihet nga disa video që janë postuar në internet ku shfaqet dhe ka mundësi që një nga të rinjtë që ndodheshin aty pranë e ka njohur dhe i është drejtuar në mënyrë nënçmuese. Vihet re se i mituri është shëndoshë e mirë dhe – deri më tani – nuk e ka denoncuar ngjarjen në Polici.
